Absurd. Hardebaard. Dis Boykie!

Boykie is g’n Charlie Brown nie. Hoërskool kon hy nie slaag nie, hy’s van België, en hy kyk soms diep in die bottel. Dié knaap het miskien goeie bedoelings, maar hy het ’n paar skroewe los,  en die moderne wêreld spoed by hom verby. Boykie beland áltyd aan die verkeerde kant van dinge.

Die berugte Belgiese strokiesprentkunstenaar  Pieter de Poortere se Boerke is nou vir die eerste keer in  Afrikaans beskikbaar. Boykie bied galgehumor en sosiale en politieke satire soos The Far Side en The Simpsons. De Poortere se eenvoudige illustrasies hou oneindig

tragiese gevolge in vir dié boytjie.